كفتة الجمبرى :

مقادير كفتة الجمبرى :
- كيلو جمبرى مقشر و مغسول كويس قوى كذا مرة بالملح و نشيل الامعاء بتاعته من الضهر- ربطة بقدونس وشبت وكسبرة خضراء تنقى وتغسل وتفرم
- 2 بصلة متوسطة مفرومة
6 فصوص ثوم مفرومين
2 ملعقة كبيرة أرز مغسول ومصفى ومجفف ومطحون
- ملح وبهارات وملعقة كمون صغيرة وعصير ليمونة

الطريقة :
- تضاف المقادير على بعضها وتطحن فى المفرمة أو فى الكبة .
- تشكل على هيئة أصابع أو أقراص , مع مسح اليد بقليل من الزيت كى لا تلتصق بها العجينة
-عشان نسويها بقى تعملى شوربه الصيادية يعنى 2 بصلة كبيرة مبشورة و تتحمر فى الزيت لحد ما لونها يبقى بنتى غامق و نضيف عليها الميه بعد كده و ملح و كمون
هتتعمل شوربه لونها بنى ( شوربة الصيادية ) و نحط فيها الكفته عشان تتسلق و اللى تتسلق تطلعيها فى مصفى عشان تتصفى من الميه
- بعد كده يا اما تحمريها فى الزيت و يبقى اسمها كبيبة
أو تعملى صلصة عادية خالص بالثوم و تحطى الكفته الصوابع فيها و تتاكل بالارز الابيض و دى يبقى اسمها الكفتة

اكلة جميلة تسلم ايدك